Gipanguluhan ni Pope Leo XIV ang Chrism Mass karong Huwebes Santo, Abril 2, sa St. Peter’s Basilica sa Vatican.
Ang maong misa usa ka espesyal nga selebrasyon sa Semana Santa diin gi-bendisyunan ang mga balaang lana nga gamiton sa mga sakramento sa tibuok tuig ug gihimo usab ang makapalagsik sa saad sa mga pari sa ilang bokasyon.
Liboan ka obispo ug pari ang mitambong ug nagbag-o sa ilang mga saad nga gihimo sa panahon sa ilang ordinasyon.
Sa iyang homiliya, gipasiugda sa Santo Papa ang pagsugod sa Easter Triduum, ang tulo ka adlaw nga paghinumdom sa pag-antos, kamatayon, ug pagkabanhaw ni Hesukristo nga labing sagrado nga bahin sa Semana Santa.
Gihatagan usab niya og gibug-aton ang tawag sa matag Kristohanon sa pag-alagad ug pagpakita sa misyon nga sama kang Hesus, uban ang pagpangawhag sa pagbatok sa kahadlok ug pagtuo sa gahum sa pagkabanhaw ni Kristo.
