Gitambagan ni Pope Francis si kanhi Senate President Juan Miguel “Migz” Zubiri nga protektahan ang pamilya.
Mibisita ang kanhi Senate President sa Vatican kaniadtong Hunyo 5 dungan sa pagbakasyon niini ug sa iyang pamilya sa Europa gikan sa pulitika.
Gipailaila ni Zubiri sa Santo Papa ang iyang pamilya ug midawat ug bendisyon gikan sa 87-anyos nga pontiff.
Ang iyang pagpahulay human sa pagkatangtang niya isip presidente sa Senado kung asa nakakuha ug boto si Zubiri nga 15 sa 24 nga mga senador.
Sa usa ka pahayag, gipaambit ni Zubiri ang tambag sa Santo Papa kaniya, human niya gipaklaro nga siya “pro-life and pro-family legislator” gikan sa Pilipinas.
Gibutyag usab sa senador nga bisag abli sa diskusyon, nagpabilin nga tibuok ang iyang pagtuo sa bililhon sa kasal.
Sa iyang pamahayag, nag-ampo sila alang sa nasud ug alang sa mga lideres nga kanunay nga mamalandong ug muhimo og husto.
Tibuok kasingkasing usab matud pa siya nga musunod sa hangyo sa Santo Papa.
