Pito ka mga pulis nga positibo sa COVID 19 stable na ang kondisyon

GENERAL SANTOS CITY – Stable na ang kahimtang sa pito ka pulis nga nakabase sa Malungon Police Station human sila nagpositibo sa Coronavirus disease infection.

Matud pa ni Malungon Mayor Tessa Constantino nga kasamtangan anaa sa isolation facility sa munisipyo ang maong mga pulis.

Sa pamahayag sa mayor nga gipailawom sa swab test ang mga nasampit nga pulis sa pagsiguro sa ilang kahimtang hilabi pa nga kabahin sila sa padayong pakig batok sa COVID 19 isip mga frontaliners kung sa nagpositibo ang resulta .

Sumala ni Mayor Constantino nga walay angayang kabalak-an tungod maayo ang kahimtang sa mga nasangpit nga kasagaran imbestigador sa Malungon Police Station.