-- ADVERTISEMENT --
GENERAL SANTOS CITY – Pipila ka labor group sa GenSan ang nagpahigayon og ihok protesta atol sa kasaulugan sa Labor Day karong adlawa, Mayo Uno.
Apil sa nanguna sa maong kalihokan si Herbert Dimos, labaw sa SENTRO.
Atol sa Labor Day protest, gisaway sa lain laing mga grupo ang kapakyasan matud pa sa gobyerno nga aksyunan ang mga mulo sa mga mamumuo.
Misentro usab ang lihok protesta ang panawagan nila nga dugangan ang suhulan nga nadawat sa mga mamumuo ilabina karon nga tanang palaliton ang nagtaas na ang presyo, samtang kinahanglan usab matod pa nga pakunhuran ang presyo sa mga nag-unang palaliton.
