Temporaryong gitangtang sa korte sa New York ang pipila ka gag order batok kang kanhi US President Donald Trump.
Kini may kalambigitan sa iyang hush-money nga kaso diin siya napamatud-an nga sad-an sa pagpameke sa mga rekord sa negosyo sa miaging bulan.
Base sa mando nga gi-isyu ni Justice Juan Merchan, tugotan si Trump sa pagsulti sa publiko bahin sa mga saksi sa kaso ug sa kinatibuk-ang mga hurado sa pagdungog.
Gidili gihapon siya sa pagsulti sa publiko bahin sa mga coart staff, mga piskal ug ilang mga pamilya.
Ang mga ilhanan sa mga hurado gitago tungod high-profile ang kaso ug sila nagpabilin nga gipanalipdan.
Mahinumduman nga gipatuman ni Merchan ang gag order kaniadtong Marso tungod sa pag-atake ni Trump sa anak sa usa ka hukom.
Gikondena usab ni Trump ang gag order nga sumala niini dili makatarunganon ug unconstitutional.
