GENERAL SANTOS CITY-Gidayeg ni P/BGen. Arnold Ardiente, regional director sa Police Regional Office 12, ang malampusong operasyon sa iyang mga sakop kontra sa ilegal nga droga.
Ang operasyon ang gihimo sa Purok Bagong Unlad, Barangay Kalawag 3, Isulan, Sultan Kudarat.
Sa gipahigayong operasyon sa Isulan Municipal Police Station nga nagresulta sa pagkadakop sa usa ka suspek nga mao si alias “Jeofry”, 44 years old, single, pintor og mga residente sa Barangay Buenaflor, Tacurong City, Sultan Kudarat.
Nakumpiska sa maong suspek ang pito ka buok nga heat-sealed transparent plastic sachets nga may unod nga shabu nga anaa sa 18 grams og may standard drug price nga P122,400.00.
Narekober usab ang sa operasyon ang P500.00 nga kwarta nga gigamit isip buy-bust money.
