Gipatilaw sa Pinoy boxer Melvin Jerusalem ang sa unang kapildihan sa Mexican challenger Luis Angel Castillo aron mapabilin ang iyang WBC minimumweight title belt nga gipahigayon sa dakbayan sa Mandaluyong.
Nakuha sa 30-anyos nga boxer nga taga Bukidnon ang unanimous decision sa iskor nga 118-109, 120-107 ug 120-107. Sa unang hugna, gipaulanan dayon ni Jerusalem ang kaatbang ug gitumba kini.
Giisip kini ni Jerusalem nga usa ka dili makalimtan nga duwa tungod sa malampuson nga pagdepensa sa titulo niini sa Pilipinas .
Unang nahuptan ni Jerusalem ang WBO 105-pound title pinaagi sa pag-knockout ni Masataka Taniguchi sa Japan niadtong Enero sa miaging tuig apan iya kining gibuhian human sa upat ka buwan batok kang Oscar Collazo sa Puerto Rico.
Si Castillo adunay 21 ka daog, usa ka pilde ug usa ka tabla samtang ang Jerusalem adunay 23 ka daog ug tulo ka pilde uban ang 12 ka knockouts.
