-- ADVERTISEMENT --
GENERAL SANTOS CITY – Patay na dihang nakaabot sa ospital ang usa ka pinireso sa San Isidro Police Station human sa pipila ka adlaw nga pag-antos human nga nakayarok og muriatic acid.
Giila ang nahisgutan nga si Ramil Carcillar, 39-anyos, ulitawo, mag-uuma nga residente sa Malungon, Sarangani Province.
Ang nasampit nag-atubang og kasong attempted murder ug kalapasan sa Republic Act 9165 kun paghupot og illegal nga droga.
Migawas sa medico legal nga namatay kini gumikan sa “Hydrochloric Gastroenteritis” gumikan sa gihimong pag-inom ug maong asido.
Sa report, una nadakpan sa kapulisan ang suspetsado, miinom na og muriatic acid ang nahisgutan sukad iyang nasayran nga duna siyay sakit nga prostate cancer.
-- ADVERTISEMENT --
