Nagkasabot ang Pilipinas og ang Germany nga mas palawmon og pakusgan pa ang military cooperation tali sa duha ka nasod.
Kini human sa pagkit-anay nilang German Defense Minister Boris Pistorius og Defense Secretary Gilberto Teodoro sa Manila kung asa gisaad nga pirmahan ang defense cooperation agreement una matapos ang tuig 2024.
Kini nga kasabotan ang magtutok sa “mutual understanding” kalabot sa training og pagbayluanay og mga impormasyon.
“We collaborate because we have a shared vision of respect for the United Nations Charter… and our desire to see a stable and peaceful Indo-Pacific,” sumala kang Teodoro.
Gipasalig usab sa duha ka opisyal nga magtukod og “long-lasting relations” tali sa armed forces og gipagawas usab ang posibilidad nga mag-suplay ang Germany og military equipment sa Pilipinas.
Kahibaluan nga gipasigarbo pa sa Pilipinas ang relasyon niini sa depensa sa Asia-Pacific region og bisan sa uban pa nga nasod tali sa padayong pag-claim sa China nga ilaha ang West Philippine Sea.
Usa ang Germany sa ginakonsidera nga oldest formal defense partners sa Pilipinas nga na-establisar pinaagi sa 1974 administrative agreement nga nagalakip sa training sa Filipino troops.
