Gikondena pag-ayo ni Department of National Defense (DND) Secretary Gilberto Teodoro Jr. ang pahayag sa Chinese Embassy may kalabotan sa tubag niini ngadto sa Department of Foreign Affairs (DFA), nga matod niya nagpakita sa kakulang sa matinud-anong intensyon ug paglimbong sa Chinese Communist Party batok sa Pilipinas.
Sa iyang mensahe, giingon ni Teodoro nga dili kasaligan ang mga pahayag sa mga opisyal sa embahada sa China ug imbes ipakita ang kamatuoran, gigamit na lamang matod nila ang kasuko ug garbo sa ilang pagtubag.
Gipasabot sa defense chief nga ang tubag sa China usa ka klarong timailhan sa ilang tinuod nga tumong sa ilang pakigrelasyon sa Pilipinas.
Bisan pa niini, gipasalig ni Teodoro nga dili mahadlok ang nasod ug dili gayod pasagdan nga mapasakop o mapugos ang mga Pilipino.
” The Chinese Embassy statement replying to our Department of Foreign Affairs is a window into the true intentions of the Chinese Communist Party in dealing with our Country. It clearly shows their insincerity and duplicity which are amply personified by their Embassy officials. We condemn the arrogant display of deceitful indignation by them. Hindi kapanipaniwala ang mga sinasabi kaya idinadaan sa alboroto,” matod ni Secretary Teodoro.
