GENSAN– Nahuman na ang Phase 2 sa Queen Tuna Park dinhi sa dakbayan sa Heneral Santos.
Sumala ni Allan Marcilla, Department Head sa CENRO-GenSan nga gibutangan na kini og ’tiles’, gi-install na ang arko sa entrada nga bahin, ug andam na alang sa mosunod nga phase.
Gibutyag ni Marcilla nga pinaagi sa paningkamot ni Mayor Lorelie Pacquiao, na-access ang pondo gikan sa ‘city fund’ ug ‘external fund’.
Aduna pa kini Phase 3, apan sa pagkakaron wala pay klaro ang eksaktong budget.
Gidugang ni Marcilla subay sa pamahayag sa contractor nga kapin P60–80 million pa ang gikinahanglan aron makompleto ang proyekto.
Naghinaot ang nasampit nga nga madugangan ang pondo aron magamit na ang parke pagkahuman sa duha ka tuig.
Sa pagtapos niini, gilantaw nga mahimong ‘world-class’ ang disenyo sa Queen Tuna Park, nga adunay fountain, baywalk, children’s playground, ug activity area.
