Mipirma ang Pilipinas ug United Kingdom alang sa PH-Uk Joint Framework agreement nga magpalig-on sa kooperasyon sa duha ka nasod sa pamatigayon, defense, tawhanong katungod ug seguridad sa rehiyon.

Giabiabi ni Department of Foreign Affairs (DFA) Secretary Enrique Manalo si UK Foreign Secretary David Lammy alang sa pagpirma sa kasabutan ug paghisgot sa “pressing mutual concerns” sa 2 ka mga nasud.

Sa usa ka pamahayag, si Sec. Manalo miingon nga sa Enhanced Partnership sa PH sa UK, usa ka testamento sa lig-on ug lawom nga pormal, sektoral ug people-to-people nga relasyon tali sa PH ug UK.

Matod sa kalihim, nagkasabot sila ni Lammy nga ipadayon ang kooperasyon sa mga butang sama sa depensa ug seguridad, tawhanong katungod, maritime ug ekonomikanhong kalig-on.

Sa habig sa UK Foreign Secretary, miingon kini nga ang PH ug ang UK nag-draft og usa ka bag-ong direksyon sa relasyon tali sa duha ka mga nasud taliwala sa daghang mga global nga mga hagit.