Pfizer vaccine sa dakbayan dili pa available gumikan nahutdan ug stock

Nagpaklaro si Kapitan Rock Garay sa Barangay Dadiangas South nganong wala pa nabakunahan alang sa second dose ang mga nakadawat og pfizer vaccine.

Matud pa ni Kapitan Garay nga kini gumikan hurot na ang pfizer vaccine ning higayona.

Apan nagpadayon ang ilang pagturo sa second dose sa moderna vaccine og janssen nga single shot.

Sa iyang pamahayag nga ang kakulangon sa pfizer vaccine alang sa second dose ang usa sa nahisgutan sa natigayon nga IATF meeting sa miaging mga adlaw.

Matud pa ni Garay nga magpahibalo sila sa katawhan oras nga available na ang maong bakuna.

Hinoon padayon ang vaccination sa Barangay Dadiangas South apan sa laing brand sa bakuna.