GENERAL SANTOS CITY- Atul sa duha ka semana nga pagpangalagad ni Mayor Lorelie Pacquiao sunod sunod ang pag-abut sa mga bisita gikan sa nagkalin laing buhatan .
Matud ni Atty Franklin Gacal Jr, usa sa adviser sa Mayor nga pulos pag-abi abi ang gihimo sa Mayor sama sa grupo sa taga US AID nga nakigbahin sa mga mga programa alang sa mga kabag-uhan alang sa mga Heneral pinaagi sa pakigtambabayong sa managlahi nga organisasyon .
Lakip sa nagbisita ang Forensic Department sa pagpanguna ni Lt Col. Arlyn Dascil, OIC – PNP Regional Forensic Unit, alang sa paghatag ug hapsay nga serbisyo ug pag-imbestiga.
Mibisita usab ang taga Anti – Cybercrime Unit 12 sa pagpanguna ni Lt Col Harry Dawayan ug gihisgutan ang pagbaton ug cyber court sa dakbayan .
Mibisita usab si PDEA 12 Director Naravy Doquiatan ug mga sakop ug nahisgutan ang isyu sa druga sa mga barangay.
Matud ni Atty Gacal nga nakighimamat usab sa Mayor ang taga Civil Service Commission aron hapsayon ang trabaho ug kundisyon sa sibil nga buhatan nga nagatotok sa serbsiyo ug promosyon.
