Gideklarar sa Estado sa Pennsylvania ang Hulyo 24, ang adlaw sa pagpirma ni LeBron James sa iyang kontrata uban sa Philadelphia 76ers, isip “LeBron James Day.”
Dayon nga nagpagawas og proclamation si Pennsylvania Governor Josh Shapiro isip pag-ila sa talagsaong karera ni LeBron, sa iyang dili matupngang mga nahimo sa NBA, ug sa gilauman nga maayong kaugmaon niini uban sa Philadelphia.
Gihisgutan sa gobernador ang daghang rekord ni LeBron, lakip ang upat ka NBA championships, ang pagkahimong all-time leading scorer sa NBA sukad pa niadtong 2023, daghang Most Valuable Player (MVP) awards, tulo ka Olympic gold medals, ug ang iyang 22 ka sunod-sunod nga pagpili isip NBA All-Star.
Gipasidunggan usab ang NBA superstar tungod sa iyang padayon nga pagtabang sa mga komunidad pinaagi sa nagkadaiyang mga programa nga iyang gisugdan ug gipalambo.
Lakip niini ang pagtabang sa mga out-of-school youth aron makabaton og mas maayong kaugmaon, paghatag og scholarship ug suporta sa kolehiyo alang sa mga estudyante, pagtukod og mga puy-anan, ingon man paghatag og pagkaon, tambal, ug uban pang mga batakang serbisyo.
Matod ni Gov. Shapiro, ang tanan niyang mga kalihokan nagpakita sa dakong kasingkasing ug dedikasyon ni LeBron sa pag-alagad sa komunidad isip usa ka upat ka beses nga NBA champion.
Dugang pa niya, ang mga tabang nga gihatag sa superstar gipabilhan dili lamang sa libo-libong kabatan-onan ug mga pamilyang iyang natabangan, kondili usab sa mga komunidad ug mga fans nga nagpadayon sa pagsuporta kaniya.
Matud pa sa report, mipirma si LeBron og duha ka tuig nga kontrata nga nagkantidad og $8 milyon uban sa Philadelphia 76ers, diin makadula niya ang kapwa MVPs nga sila Joel Embiid ug Jalen Brown.
