GENSAN- Gipahinumduman pag-usab ni Atty. Jong Gonzales, labaw sa Public Safety Office sa dakbayan, ang publiko nga lig-on nga ipatuman ang Ordinance No. 37, Series of 2018, nga naglatid sa mga patakaran nga angay sundon sa mga pedestrian ilabina sa pagtabok sa kalsada.
Sumala sa maong ordinansa, obligado ang mga pedestrian nga mosunod sa traffic rules sama sa paggamit sa pedestrian lane ug paghulat sa hustong signal sa pagtabok.
Ang mosupak niini mahimong masilutan og mamultahan. Matud pa ni Gonzales, adunay mga higayon nga gi-isyuhan og ‘citation ticket’ ang mga nakalapas sa balaod.
Apan gibutyag niya nga usahay ang ubang violators dawaton ang citation ticket apan dili bayran tungod kay dili maka-afford sa multa. Bisan pa niini, gibutyag ni Atty. Gonzalez nga naghatag na kini og klarong instruksyon ngadto sa mga traffic enforcers nga gi-assign sa nagkalain-laing dalan sa siyudad nga bantayan nga pugngan ang mga pedestrian nga motabok sa dili hustong lugar sama sa railings.
Gipasiugda ni Gonzales nga dugay na nga gipatuman ang maong ordinansa, ug bisan pa sa panahon nga siya pa ang City Administrator sa syudad, gipaningkamotan na ang pagpalig-on sa kampanya alang sa disiplina sa kadalanan.
Lakip niini ang pagbutang og mga railings sa pipila ka lugar aron mapugngan ang ‘jaywalking’.
Apan adunay mga insidente nga giguba ang ubang railings, hinungdan nga mas lisod mapatuman ang kahapsay sa trapiko. Sa pagkakaron, ginapatutukan pag-ayo sa mga traffic enforcers ang pagpatuman sa ordinansa.
Pedestrian Ordinance sa Gensan Lig-on Gipatuman; Mga Nakalapas Posibleng MultahanGidugang ni Gonzales nga dili kakulang sa balaod ang problema kondili kakulang sa disiplina.
