Gipangunahan ni Pangulong Ferdinand Marcos Jr., kaganihang buntag sa Palasyo sa Malakanyang ang ika-lima nga Legislative Executive Development Advisory Council (LEDAC).
Sa maong pangapulong nahisgotan ang pag-apruba sa mga sugyot balaud nga lakip sa Common Legislative Agenda (CLA).
Lakip sa mga nahisgotan ang adunay kalabotan sa sugyot balaud nga Archipepalgic sea lane act nga una ng gihangyo sa DFA nga maapil sa sugyot balaud.
Naistoryahan usab sa meeting ang Reforms to Philippine Capital Market nga girekomenda ni House Speaker Martin Romualdez pinaagi sa usa ka sulat nga pinetsahan ug September 20, 2023.
Lakip usab sa agenda sa meeting ang Amendments to the Foreign Investors Long Term- Lease Act ug pag- amyenda sa Agrarian Reform Law nga gisugyot usab ni Senate President Francis Escudero.
Mitambong sa meeting silang National Economic and Development Authority Secretary Arsenio M. Balisacan, Chief Presidential Legal Counsel Juan Ponce Enrile, Special Assistant to the President Antonio Lagdameo Jr., Special Assistant to the President for Investment and Economic Affairs Frederick Go, Budget Secretary Amenah Pangandaman, Senate President Francis Escudero House Speaker Martin Romualdez, ug uban pang mga opisyal sa gobyerno.
