Gihatagan og direktiba ni President Ferdinand Marcos Jr., si Department of Trade and Industry kon DTI Secretary Christina Roque, nga sigurohon nga lig-on ang supply sa pagkaon sa nasud.
Sumala ni Roque, nga gimandoan kini sa Presidente nga imintinar ang padayon nga komunikasyon sa mga manufacturer aron masiguro nga adunay igong suplay sa pagkaon.
Mihimo na usab sila og inspeksyon sa mga groceries ug manufacturing plant ug nasuta nga kaya pa nga molungtad og hangtud kapin usa ka bulan ang supply sa pagkaon. Lakip niini ang mga basic necessities ug prime commodities nga anaa sa listahan sa DTI.
Gikompirma usab ni Roque nga wala pay natalang hoarding ug profiteering.
Padayon ang adlaw-adlaw nga monitring sa DTI pinaagi sa Accreditation Centers Regional Offices sa tibuok nasud aron masiguro nga walay iligal nga pagsaka sa presyo sa mga nag-unang palaliton.
