Patayng lawas sa 14 anyos out-of-school youth, nakaplagan sa Tupi, South Cotabato
GENERAL SANTOS CITY – Padayong giimbestigahan sa kapulisan ang nakaplagang patay’ng lawas sa 14 anyos nga batan-on sa Brgy Polonuling, Tupi, South Cotabato kagahapong adlawa.
Giila sa kapulisan ang biktima nga si Angelo Anastacio alyas Tikboy, usa ka out-of-school youth nga residente sa Purok 4 sa nahisgutang barangay
Matud kang Police Inspector Jun Delco sa Tupi Municipal Police Station, gitudlong nalambigit ang biktima sa natigayong pagpanglungkab sa usa ka tulunghaan sa lugar ang biktima ug kanhi nang nabilanggo sa ilang presinto gumikan sa pagpangawat.
Ug gani, naturn-over na usab matud pa nila kini kaniadto sa DSWD sa nasampit nga munisipyo.
Una nang gikabutyag nga miaging gabii pa gihimo ang krimen ug kagahapon sa buntag lamang nakaplagan sa daplin sa dalan.
Padayon pang gisuta sa kapulisan ang posibleng motibo sa krimen, lakip ang ilhanan sa mga suspek.
