Padayon ang imbestigasyon sa kapulisan human nakaplagan ang usa ka lalaki nga patay sa kanal sa Purok 6B, Carcon, Barangay Katanggawan, pasado alas-9 sa buntag November 21 2025.
Sumala sa ni PmaJ Robert Fores ang station commander sa Tinagacan Police Station, ang lawas sa lalaki hubo ug adunay daghang samad sa likod, nga posibleng hinungdan sa iyang kamatayon. Sa pag-inspeksyon sa SOCO Team Gensan, nakita usab ang tattoo sa likod sa biktima nga nagbasa og “SUKARAP,” nga mahimong basihan sa pagilala sa biktima.
Ang kapulisan nagpadayon sa ilang paningkamot aron masuta ang ilhanan n sa lalaki samtang gipaninguha nga makolekta ang tanang ebidensya sa lugar sa insidente. Ila usab gisusi ang mga posibleng saksi ug mga tao nga adunay impormasyon bahin sa nahitabo aron mas mapadali ang imbestigasyon.
Sa kasamtangan wala pa gipahibalo sa kapulisan ang pangalan sa biktima hangtod sa pagkumpirma sa iyang ilhanan .
