Giangkon ni Dr. Arvin Alejandro, provincial health officer sa Sarangani Province nga dili na sila maka-refer sa mga COVID patients sa GenSan gumikan puno na ang mga ospital.
Matud pa kang Dr. Alejandro nga ang ilang gihimo karon nga gi-atiman sa ilang level 1 hospital.
Gawas pa niini nga todo ang pagpaningkamot nga mapadali ang COVID 19 referral facility sa Kawas, Alabel, Sarangani nga mahuman ang tanang panginahanglanon aron maablihan ang maong pasilidad.
Target sa probinsya nga maablihan ang maong pasilidad sa mas dali nga panahon.
Ang mga pasyente sa COVID-19 sa Maitum ang dad-on sa Kiamba og may laing mga level 1 hospital usab sa Sarangani ang Malungon og Glan.
Sumala pa ni Dr. Alejandro nga adunay unom sila nga mga pasyente nga angayang dad-on sa mas kompleto nga hospital sa GenSan apan wala natigayon gumikan puno na ang mga COVID hospital beds.
