Mupailawom sa proseso sa Cam Crame, Quezon City si Kingdom of Jesus Christ Pastor Apollo Quiboloy kauban ang mga akusado nga silang Jackielyn Roy, Ingrid Canada, Cresente Canada, ug Sylvia Cemañes.
Kini nga proseso ang gilangkuban sa fingerprinting, mug shots ug blood pressure tungod pipila kanila ang nakasinate ug high blood.
Sumala kang PNP Spokesperson Col. Jean Fajardo miabut ang grupo sa Camp Crame ala 5:30 sa hapon human ang biyahe sa eroplano gikan sa Davao City paingon sa Villamor Air Base gamit ang C-130 military plane ug midiretso na sa Custodial Facility pasado ala 9:10 sa gabii.
Ang pagsurender ni Quibuloy ang nanukad sa negosasyon nga gihimo sa Philippine National Police (PNP) ug Armed Forces of the Philippines (AFP). Una nga gikabutyag nga nagsurender si Quibuloy sa Intelligence Service of the Armed Forces of the Philippines (ISAFP).
