-- ADVERTISEMENT --
GENERAL SANTOS CITY – Mukabat sa P60,000 ang natala nga damyos sa natigayong sunog sa usa ka panimalay sulod sa Camp Fermin G. Lira ning dakbayan, kagahapong adlawa.
Kini ang gibutyag ni SFO3 Makakuna Tumambuiling sa Bureau of Fire Protection ning siyudad.
Kahinumdum nga natigayon ang sunog alas-10 sa buntag, kung asa nagsugod matud pa ang kalayo sa ikaduhang andana sa panimalay nga gipanag-iyahan sa usa ka Tony Amaba.
Paspas nga mikatag ang kalayo gumikan gigama sa light materials ang naasoy’ng bahin sa balay.
Sa pagkakaron padayon ang imbestigasyon sa BFP, kung asa short circuit ang maoy gituuhang rason sa sunog.
-- ADVERTISEMENT --
