GENERAL SANTOS CITY -Midepensa si Pangulong Rodrigo Duterte sa deklarasyon niini sa Martial Law sa tibuok Mindanao.
Kini nahitabo atul sa pagpamulong sa pangulo atubang sa mga sundalo sa 1002nd Brigade Philippine Army dungan sa pagbisita niini kagahapon sa Camp Brigader General Herminigildo Agaab sa Pulutana, Malandag, Malungon, Sarangani Province.
Saludo ang Pangulo sa mga tropa sa gobyerno nga namatay tungod sa pakig-engkwentro sa Maute group sa Marawi City.
Matud niini, kon adunay tao sa tibuok nasud nga pinaka-nasakitan, siya kadto tungod siya ang nagdeklara sa Martial Law.
Gibutyag pag-usab ni Pangulong Rodrigo Duterte nga ISIS kon Islamic State of Iraq and Syria ang nagpaluyo sa nagpadayon nga kasamok sa marawi City.
Ug gani, gitudlo ang ISIS nga maoy nagpaluyo sa kasamok sa Marawi.
