GENERAL SANTOS CITY – Gipulihan na si Police Col. Rogelio Raymundo Jr ang Deputy Regional Director for Operations sa Police Regional Office 12. Kini human gikumpirma ni Brigadier General Jimili Macaraeg nga si Raymundo ang gidestino na sa Kampo Krame.
Sa gipahigayon nga Heroes welcome sa mga sakop sa Regional Mobile Force Battalion 12 nga gipadala sa maguindanao miaging gabii gibutyag ni General Macaraeg nga hapit na mahimong Brigadier General si Raymundo.
Aron dili mabakante gimandu-an usab sa Kampo Krame si Police Col. Arnold Santiago nga hulipan ang pwesto ni Raymundo.
Lakip sa kamandu-an ang pagbalhin kang Col. Earl Tamayo ang Provincial Director sa South Cotabato Provincial Police Office sa bag-o niini nga pwesto sa PRO 12.
Kahinumduman nga si Tamayo ang nagdumala sa Regional Finance Office sa PRO 12 una kini gibalhin didto sa South Cotabato miaging tuig.
