GENERAL SANTOS CITY – May nahibilin pang pipila ka adlaw una ang pagtapos sa pusa sa mga kaigsuonang Muslim kalabutan sa pagtuman sa bulan sa Ramadan.
Kini human ang opisyal nga pag anunsyo nga sa Abril dyes mao na ang pagtapos sa ilang usa ka bulan nga puasa.
Kagahapong adlawa, Abril 05, 2024 gipahigayon sa covered court ang 12th Grand Iftar nga may tema nga “Patience, Acceptance, Gratefulness” sa pagpanguna sa mga inila nga speakers nga silang Sheikh Eisa Javier, Sheikh Yusop Butucan, ug Sheikh Ashraf Alangan .
Usa kini ka dakong oportunidad nga magsilbi sa panaghiusa sa mga komunidad nga magkatigum, magkauban pinaagi sa Ramadan pinaagi sa panaghiusa ug kalinaw.
Una ng gipaklaro sa Integrated Cultural Communities Affairs Division sa buhatan sa Mayor nga laing panagtipon ang ipahigayon karong adlaw nga myerkules timaan sa pagtapos sa puasa nga himuon sa MSU compound ning syudad.
