Padayon nga naglaum ang mga pamilya sa mga pasahero nga nawala human sa paglubog sa MCBA Amejera niadtong Enero 18, 2026.
Sa eksklusibong interview sa Bombo Radyo Gensan kang Jenny Uyking, asawa ni Earland Uyking nga apil sa mga nawala, emosyonal kini nga nanawagan sa publiko nga kon adunay bisan unsang impormasyon kabahin sa mga missing nga pasahero, palihog dayon ipahibalo sa ilang pamilya o sa mga otoridad.
Dugang pa niya, padayon silang nagkupot sa pagtuo nga makapiling pa nila pag-usab ang ilang mga hinigugma.
Lakip sa mga nawawala sila Mark Levi Lao, Herwin Tan, Anthony Banzali, Reymark Napuli, Christian Genita, Patrocinio Genita III, Rogelio Gomez, ug Homer Bolasa.
Bisan pa sa nahitabo, gipasiugda sa mga pamilya nga dili sila mohunong ug magpadayon sila sa paglaum samtang nagpadayon ang pagpangita sa ilang mga mahal sa kinabuhi
