Muhatag matud pa ug pabuya nga P50,000 ang pamilya ni Arthur de la Cerna sa makahatag ug impormasyon ug makatudlo sa suspek nga mipatay sa biktima.
Kini human gapangayu sa hustisya ang pamilya niini human ang mangilngig nga pagpatay sa nahisgutan sa usa ka abandonado nga panimalay sa Purok 6 Pandi-an, Labangal ning syudad.
Sa paglakaw matud pa sa 52 anyos nga biktima nananghid kini nga mag-inum kuyog sa mga kaila apan wala na makapauli pa ang nahisgutan sa Sampaloc, Barangay West ning syudad.
Gibutyag ni Police Capt. Cyrus Vince Arro, deputy Station Commander sa Makar Police Station nga wala pa nila ma establisar ang motibu sa krimen luyo nga padayon ang ilang imbestigasyon.
Nagtuo ang Opisyal nga adunay kasuko ang suspek ngadto sa biktima nga usa ka LGBTQ tungod gibaatan, gigapos ug gituhuang gipaantos ang biktima una gipatay.
Kahinumduman nga usa ka Dina Dayanan nga residente sa Sapu Padidu Malapatan sarangani ang mitaho sa Makar Police station human nakita ang patay nga lawas sulod sa ilang abandonado nga panimalay
