GENERAL SANTOS CITY – Obserbahan sulod sa tulo ka adlaw una nga ibalik sa dagat ang pawikan human nga natanggal ang taga sa iyang tutunlan.
Matud pa ni Cris Tampos, argicultural technician sa City Environment and Natural Resources Office (CENRO) GenSan nga kini human nga gitanggal ni Dr. Roy Mejorada sa Environmental Community Protection Center (ECPC).
Gibutyag nga duha ka taga ang nakuha sa tutunlan sa pawikan og dayon giturukan og tambal.
Angayang mukaon ang maong pawikan og hulaton ang desisyon sa beterenaryo kung hingpit nga ibalik sa dagat.
Ang maong pawikan ang gibutang sa usa ka dakong tub nga anaa sa Queen Tuna Park.
Nasayran nga sa maong pawikan nakit-an sa mga residente sa Purok San Vicente, Silway Dadiangas West ning dakbayan kung asa sa maong lugar daghan ang gapamingwit.
