GENERAL SANTOS CITY – Padayon ang pag-ubos sa nagpositibu sa covid 19 sa dakbayan, Kini human mitala lamang sa 18 ka nagpositibu sa virus.
Samtang 20 sa Isulan Sultan Kudarat, 43 sa North Cotabato ug 48 sa South Cotabato samtang walo sa Sarangani province. Kini human nakatala ug 136 ka bag-ong kaso sa COVID 19 nga nadugang kagahapong adlawa sa Rehiyon 12 base sa labing ulahing report sa DOH – Center for Health Development Soccsksargen Region.
Samtang daghan ang nakarekober nga anaa sa 467 hinungdan nga migamay ang ihap sa actives cases sa tibuok rehiyon.
Nanguna sa gihapon ang South Cotabato nga may labing daghan nga kaso nga 21,283 , 768 ang active cases, 766 ang patay. Ang GenSan ang may 17,389 ang kaso, 400 ang active cases og 604 ang patay .
Ang North Cotabato ang may 13,333 ka kaso, 750 ang active cases og 634 ang patay. Ang Sultan Kudarat ang may 8,328 ka kaso, 282 ang active cases og 241 ang patay.
Ang Sarangani ang may 7,805 ka kaso, 514 ang active cases og 183 ang patay. Sa tibuok rehiyon may 68,138 ang COVID-19 confirmed cases kung asa 3,714 ang active cases, 62,973 ang recoveries og 2,428 ang COVID-19 related deaths.
