GENERAL SANTOS CITY – Padayon ang pakig-alayon sa LGU-GenSan sa DILG aron makapauli sa dakbayan ang uban pang residente sa GenSan nga natanggong sa laing dapit tungod sa gipatumang lockdown.
Matud pa ni Mayor Ronnel Rivera, andam mutabang ang syudad sa pagpauli sa mga na-stranded apan ang mupauli ang musunod sa standard protocol nga mupailawom sa 14 diyas nga quarantine pag-abot sa GenSan bisan pa mipailawom na sa quarantine kung asa sila gikan nga lugar na-stranded.
Sama usab nga protocol ang sundon sa mga OFWs o seaferers. Ang mga musulod agi sa GenSan Airport og Makar Wharf ang gilayong kuhaon sa LGU’s kung asa sila nga lugar nagpuyo.
Ang mga residente nga mupauli sa GenSan ang sunduon sa medical surveillance team og gilayong ipailawom sa quarantine.
Sa mga dili residente sa GenSan og gustong mupauli sa ilang lugar tungod nawad-an og trabaho, mas maayong makig-alayon sa CDRRMO o LGU-GenSan aron matabangan.
Tungod sama usab sa ginabuhat sa syudad ang matag LGU ang may kaugalingong protocol, EO og guidelines unsaon pagdawat sa ilang mga residente nga mipauli gikan sa ubang lugar.
