GENERAL SANTOS CITY – Sugod sa bulan sa Pebrero sugdan na pagsusi sa mga Inspector sa buhatan sa Business Permits and Licensing Division ang mga negosyo ug susihon ang mga papeles aron masayran kung nakarenew ang nahisgutang mga negosyo.
Matud ni Christian Mark Abarquez ang labaw sa maong buhatan aron masayran kung nakakuha ug business permit. Kung pakyas man ang usa ka pwesto maghatag ug notice aron magkuha ug business permit sulod sa trenta ka adlaw ug kung dili matuman magpadala sila ug sulat ug ipahibalo sa tag-iya nga subject sa closure.
Giangkon ni Abarquez nga daghan sa mga buot mukuha ug business permit ang nagkaproblema sa occupancy permit ila na matud pa kining gipangitaan ug paagi aron maresolba pinaagi sa pakiglambigit sa buhatan sa Office of the Building Official.
Gisaysay niini nga mas sayon na ang pagrenew niining tuiga tungod sa online registration samtang naa ang mga negosyante sa ilang balay mamahimo usab nga mubayad pinaagi sa online payment gamit ang mga payment apps.
Kasagaran matud pa sa problema nga nasinati-an ang dili magdeklara sa tinuod nga gross sales.
Hangyo niini sa mga negosyante nga ideklara sa tinuod ang ilang gross sales aron walay aberya sa ilang online renewal.
