GENERAL SANTOS CITY – Nahimong generally peaceful ang pagsugat sa bag-ong tuig sa dalbayan kagabii kung asa walay natala nga mga major incident sa kadalanan.
Kahibaloan nga nagtuyok sa mga nagkadaiyang dapit ug kadalanan ang pwersa sa bombo radyo Gensan kagabii atol sa pagsugat sa bag-ong tuig ug kasagaran nga fireworks display ang nasaksihan sa maong mga lugar.
Pipila usab sa mga namatikdan mao ang makusog nga mga tingog sa muffler kon tambutso sa mga motorsiklo sa kadalanan.
Wala usab natala nga fireworks related injuries ang mga otoridad kagabii ug padayon nila kini nga pagatutukan gumikan hangtud sa kasamtangan aduna pa gihapoy mga gagmayng buto-buto ang madunggan.
Padayon usab nga giawhag ang publiko nga likayan ang pagpabuto hilabi na gamit ang Boga, 5-Star, Kwitis, Piccolo, Luces, Pla-Pla, ug Whistle Bomb.
