GENERAL SANTOS CITY – Gipatutukan ni PRO-12 Director Police Chief Supt. Marcelo Morales ngadto kay City Director Sr Supt. Romeo Ruel Beranggo ang kalabot sa pagpamusil patay sa riding in tandem suspects kay Po1 Glen Alicarte sa AOR sa Bula Police station.
Kini ang gibutyag ni PSupt. Aldrin Gonzales tigpamaba sa PRO-12 sa Bombo RaDyo.
Kahibaluan nga si Po1 Alicarte, kanhi na-assign sa City Police Drug Enforcement Unit sa GSCPO og nabalhin sa Camp Crame human nga gipanganlan sa narcolist ni Pangulong Rodrigo Duterte.
Una ng gibutyag sa amahan sa biktima nga gatuo sila nga may kalabutan sa trabaho sa iyang anak isip pulis ang motibo sa krimen.
Apan gibutyag ni Gonzales nga tanang anggulo nga posibleng hinungdan sa pagkamatay ni PO1 Alicarte mahimogn sutaon sa kapulisan aron masayran kung unsa ang motibo.
Kahibaluan nga si Po1 Alicarte gipusil patay sa nakamotorsiklo dihang paingon sa iyang sakyanan nga nakaparada atubang sa usa ka letchon house sa bula lagao Road kung asa gikan sila nangaon sa iyang hinigugma.
Diha diha nakabsan gilayon sa kinabuhi og wala na madala sa ospital human nga nakaangkon ug samad pinusilan sa iyang ulo.
