GENERAL SANTOS CITY – Padayong ga-imbestiga ang kapulisan sa Malapatan may kalabutan sa natigayong pagpamusil patay sa Brgy Tuya, Malapatan Sarangani Province aging gabie.
Kahibaluan nga ang biktima ang nailhan sa pangalan nga si Hadji Muhamad Tayron Fajardo nga residente sa lugar.
Matud pa ni Po2 Julius Ancao, imbestigador sa maong kaso, natigayon ang pagpamusil alas 6:30 sa gabie niadtong Martes dihang ang biktima ang miadto sa likod sa ilang balay aron magkuha ug lubi.
Wala matud pa mailhan ang responsable tungod ngitngit ang palibot..
Naigo sa dughan, tiyan og wala nga bahin sa lawas ang biktima. Nasayran nga gidala pa sa ospital dinhi sa dakbayan ang biktima apan nakabsan gihapon sa kinabuhi.
Matud pa ni PO2 Ancao nga narekober nila sa crime scene ang empty shell sa .45 calibre nga pusil.
Sa pahayag sa nasampit nga nalisdan sila sa pag-ila sa suspek tungod walay nakakita sa pagpamusil sa biktima.
Sa pahayag ni Po2 Ancao , walay rekord sa ilang presinto ang maong biktima.
