GENERAL SANTOS CITY – Husto lamang nga giwarningan ni Pangulong Rodrigo Duterte ang mga tag-iya sa legal mining companies nga ibalik sa kanhing kalimpyo og kahapsay ang palibot.
Kini ang gibutyag ni Fr. Raul Vale. Nasayran nga nalangkob atul sa 2nd State of the Nation Address ang iligal nga pagmina nga sumala pa sa Pangulo hinungdan nganong nawala ang “virginity” sa kinaiyahan.
Matud ni Fr. Vale, dili na mausab ang baruganan sa simbahan nga ampingan ang kinaiyahan. Sa pahayag niini, nagkauyon ang simbahan og gobyerno batok sa pagmina nga resulta sa pagkadaut sa kinaiyahan.
Samtang dili usab mausob ang baruganan sa simbahan kontra sa death penalty human nga nanawagan ang Pangulo dungan sa SONA niini nga ipasa ang silot kamatayon.
Gibutyag ni Fr. Vale, sa pagtulon-an sa simbahan ang Ginoo lang ang dunay katungod nga mukuha sa kinabuhi sa tao.
Nagtuo si Fr. Vale nga nakahukom lang ang Pangulo nga ipasa ang silot kamatayon para sa mga problema sa nasud sama sa drug-related offenses og uban pang heinous crimes.
Otso gikan sa 1-10 ang gihatag ni Fr. Vale nga grado kay Pangulong Duterte tungod sa daghang nahimong kaayuhan sa sa nasud sama sa iligal nga droga, kurapsyon og daghan pa.
