GENERAL SANTOS CITY – Gidili una ang magpadala og mga OFW’s nga direkta nga i-hire sa kompanya.
Matud pa ni DOLE 12 Director Sisinio Cano nga kini basi sa kamanduan ni Labor Sec. Silvestre Bello III.
Matud pa, kini gumikan daghan sa migawas nga mga report nga may mga OFWs nga biktima sa pagmaltrato o giabuso.
Gawas pa nga pag-abot sa gitrabahuan lahi ang trabaho nga nakalatod sa kontrata.
Gumikan niini nagpagawas og direktiba si Labor Sec. Bello nga undangon ang direkta nga pagpadala ug trabahante sa ubang nasud aron maprotreksyonan usab ang katungod sa mga trabahante.
Kahibaluan nga daghan ang mga kaso nga nadawat sa mga tinahasang ahensya sa gobyerno kalabutan sa mga giabuso nga mga OFWs.
Apan dili maka-aksyon gilayon a ng gobyerno tungod wala nasayran ang ensakto nga lokasyon og walay local counterpart sa nasud.
