Igo na lamang sa pagkatawa ug pagtawag og ‘binuang’ ang nahimong reaksiyon ni Former President Rodrigo Roa Duterte human niining nahibal-an nga posibleng duna kini kasayuran sa pagkawala sa mga sabungero.
Matud ni VP Sara Duterte, nga gisultihan niya ang iyang amahan nga adunay pagsulay nga ilambigit siya sa kaso sa mga nawala nga sabungero.
Hinoon, dugang ni VP Sara nga wala na matud pa nakurat ang ilang pamilya bahin niini.
Alayon niini, mibalibad nga maghatag og kumento si Department of Justice Secretary Jesus Crispin Remulla kabahin sa reaksyon ni kanhi Pangulo Duterte sa isyu sa mga nawala nga sabungero.
Gumikan kini dihang giingon ni former President Duterte nga ‘preposterous’ o binuang lamang ang matod pa pagkalambigit sa ‘drug war’ sa pagkawala sa mga sabungero.
Sa kasamtangan base sa mga gibutyag ni Justice Secretary Remulla, adunay nakita matod pa nga koneksyon ang isyu sa e-sabong sa natigayon nga ‘war on drugs’.
