GENERAL SANTOS CITY – Posibleng electrical short circuit ang hinungdan sa natigayong sunog sa Atis St. Extension Brgy. Dadiangas West ning dakbayan kagahapon buntag sayo kung asa ugdaw ang usa ka letchon, balay og mga bunkhouse.
Sumala pa ni Chief Insp Reginald Legaste, Fire Marshall sa Bureau of Fire protection Gensan nga padayon pang nangalap og detalye ang mga arson investigators kalabot sa sunog luyo nga migawas sa impormasyon nga matud pa nagsugod ang pag-ulbo sa kalayo sa bunkhouse sa Phela Grande og dili sa kurdapoys lechon house butang nga hugot karong g-imbestigahan sa BFP-GenSan.
Apan sumala ni Daisy Bucol ang tag-iya sa Kurdapoys lechon atul sa pakighinabi sa Bombo radyo kaniya nga dili sa iyang pwesto nanukad ang kalayo nga milamoy sa tibuok gambalay.
Apan sa pahayag ni Jun Cabayao, usa sa nasunogan, gibutyag niini nga may nadunggan matud pa kini nga mibuto sa silingan nga balay nga gituhu-an niini nga tangke sa Liquified Petroleum Gas.
Kahibaluan nga niadtong Lunes, natigayon ang sunog sa Mateo Road kung asa ugdaw usab ang salon, karenderya, boardign house ug uban pang puwesto tungod usab matud pa sa electrical short circuit.
