GENERAL SANTOS CITY – Usa ang grabe sa 22 ka pasahero ang nadala sa tambalanan human mahagbong sa duha pa dupa nga kimba sa Purok 1 Lamcanal Malungon, Sarangani Province.
Pagsaysay Ronilo Inong ang driver sa bus body number 021 nga mitipas sa iyang aginanan ang bus ug miadto sa wala nga bahin sa dalan hinungdan nga gitimon aron dili mabangga sa mga kasugat nga sakyanan ug dakong punu-an sa kahoy.
Gikan matud pa sa davao city ang Bus samtang padulong sa dakbayan pasado alas dose sa udto dihang nahitabo ang pagkamodmod niini hinungdan nga nahulog ang pipila niini ka pasahero human maukab ang kiliran sa sakyanan.
Gina-obserbahan sa mga doktor ang nagpangalan ug Soraima Saway nga usa ka OFW nga bag-ong abut sa nasud. Mupadulong matud pa kini sa ilang lugar kuyog ang kapuyo nga si Julius ug ang ilang anak.
Kasamtangan 13 ka mga pasahero ang midangat sa Doktors hospitan samtang tulo sa St Elizabet ug unom sa Socsargen hospital. Nasuta nga 25 ang sakay sa nahisgutang Bus dihang kini madisgrasya.
