GENERAL SANTOS CITY – Nahimong “generally peaceful” ang paghinumdum sa Semana Santa dinhi sa Region 12.
Kini ang gibutyag sa Bombo Radyo ni P/Supt. Aldrin Gonzales, tigpamaba sa Police Regional Office 12, luyo matud pa sa mga petty crimes kon gagmay ug wala gilaumi nga mga insidente nga natala sa managlaing lugar, nga sagad nang gakahitabo.
Mapasalamaton usab matud pa sila nga walay natala nga terorista nga nakasulod sa rehiyon, luyo nga kanunay silang andam ug nakabantay nga i-intercept kon ugaling anaa man.
Nasayran nga miaging semana nagpahigayon ang kapulisan sa rehiyon ug simulation excercises kon unsaon pag-intercept kon ugaling may terorista nga musulay ug sulod sa ilang area of responsibility.
Dugang pa ni P/Supt. Gonzales nga kanunay gayud nga may threat kon bahad sa seguridad, hinungdan nga kinahanglan ug angayan lamang gayud nga kanunay’ng andam ug alerto ang mga otoridad, lakip na ang katawhan.
