GENERAL SANTOS CITY – Padayon ang paghatag ug libre nga scholarship program sa TESDA sa taga dakbayan ug mga silingan nga mga probinsya nga sakop sa Rehiyon Dose. Matud ni El Cid Castillo, Provincial Manager sa TESDA nga sa miaging adlaw nanghatag ang ilang buhatan ug mga starter kit sa special training for employment program nga plumbing ug welding. Pagka karon matud pa nagpadayon ang regular scholarship program sa nagkalain laing sektor sama sa agrikultura, turismo ug metals and engineering apil ang driving, trainers methodology and contact tracing nga gibutangan ug pundo sa Gobyerno. Gipaklaro sa nahisgutang Opisyal nga walay gipili ang ilang buhatan kung asa sa tibuok tuig kini nga programa luyo nga may pipila pa ka slot ang nahibilin sa scholarship program nga tambag sa mga intrisado nga muadto lamang sa ilang buhatan o kaha sa Lagao School of Arts and Trade o kaha sa Tinagacan Training Center aron makuha ang mga impormasyon kalabut niini.
Kinahanglan lamang nga edad dise otso anyos pataas nga bisan Senior Citizen ang pwedi nga mahimong scholar. Kinahanglan usab nga walay conflict sa ilang schedule ang mga buot mupailawom sa training samtang mamahimo usab nga maka avail sa multiple availment ang mga indibidwal.
Sa kasamtangan gina tanyag sa TESDA ang mga scholarship program sa driving, welding, plumbing, electrical installations ug daghan pang kurso.
