Gihingusgan ni Rep. Zia Alonto Adiong nga ang paggasto sa Office of the Vice President o OVP sa P125 million nga confidential funds sulod lamang sa 11 ka adlaw posibleng nagpakita og intensyon nga hutdon dayon ang tibuok nga pondo.
Sa nagpadayong impeachment trial ni Vice President Sara Duterte, gipangutana sa prosecution kon nganong dali kaayong na-disburse ang tibuok nga P125 million nga confidential fund nga gi-release sa OVP.
Gipasikad sa prosecution nga ang kadali sa paggasto sa pondo maoy usa sa mga sirkumstansya nga ilang gikonsidera sa pagpakita sa giingong iregularidad sa paggamit ug pag-liquidate sa confidential funds.
Apan, gipanindogan sa depensa ni VP Sara nga walay probisyon sa mga patakaran sa Commission on Audit nga nagabawal sa paggasto sa confidential funds sulod sa 11 ka adlaw.
Matod sa ilang pangatarungan, ang kadugayon o kakadiyot sa paggasto lamang dili pa ebidensya nga adunay pagpangawat o sayop nga paggamit sa pondo.
