GENERAL SANTOS CITY – Mas nahimong himsog, batan-on ug maayo ang kondisyon sa lawas ni Glenville Gonzales, department head sa Dr. Jorge Royeca Hospital sa kanunay nga pagdonate ug dugo.
Sumala pa niini nga makapila ka higayon na siya nga na nag-donate ug dugo, daw sa wala kini gatigulang ug maayo ang tulog gawas pa nga makatabang kini sa ubang tawo nga wala niini nakaila.
Hinungdan nga giawhag ang tanang mga katawhan hilabina sa mga staff sa Dr. Royeca Hospital nga magdonate ug dugo ugmang adlawa, atul sa Dugong Bombo nga matigayon sa Robinsons Place Gensan, alas 6 sa buntag hangtud alas singko sa hapon.
Ang mga successfull blood donors ang makadawat ug Dugong Bombo tshirt, snacks and drinks ug PRC card.
Samtang magdonate ug dugo ang mga traffic enforcers sa dakbayan.
Kini ang gibutyag ni Ret. Col. Jessie Ramos, labaw sa City Traffic Management Office, giawhag niini ang tanan lakipa ng mag kaubanan nga dili magduha duha sa pagdonate ug dugo tungod dakong tabang kini ngadto sa mga nanginahanglan hilabina kadtong ga-dialysis, cancer patients, dengue patients, nadisgrsya ug uban pa.
Karon pa lang gapasalamat na ang Bombo Radyo ngadto sa tanang magpartisipar sa tinuig nga Dugong Bombo.
Ang Dugong Bombo ang dungan nga ipahigayon sa tanang mga syudad sa nasud nga may estasyonan sa Bombo Radyo og Star FM.
