Usa ka babayeng pulis ang namatay ug daghan ang nasamdan sa dihang mibuto ang usa ka bomba sa sakyanan sa kasadpang siyudad sa Lviv sa Ukraine, sa usa ka insidente nga gihulagway sa mga awtoridad nga usa ka “pag-atake sa terorista.”
Ang report nag-ingon nga ang 23-anyos nga pulis nga si Viktoria Shpylka namatay, samtang usa ka patrol car ug usa ka sibilyan nga sakyanan ang nadaot. Kapin sa duha ka dosena nga mga tawo ang nasamdan.
Nahitabo ang pagbuto samtang ang mga pulis mitubag sa usa ka taho sa pagpanglungkab sa usa ka tindahan duol sa sentro sa siyudad.
Samatang ang Ukrainian National Police nag-ingon nga gigamit ang mga homemade explosives nga gibutang sa mga basurahan.
Ang unang pagbuto nahitabo human miabot ang mga pulis, gisundan sa laing pagbuto sa dihang miabot ang ikaduhang grupo sa mga opisyal.
Si Presidente Volodymyr Zelensky sa Ukraine miingon nga daghang mga indibidwal, lakip ang usa ka 33-anyos nga babaye gikan sa Staryi Sambir duol sa utlanan sa Poland, ang gidakop, nga gidudahang naghimo sa pag-atake sa mando sa usa ka handler gikan sa Russia.
