GENERAL SANTOS CITY – Patay sa pagbangga sa duha ka motor ang usa ka motorista samtang nadala usab sa tambalanan ang lain pang tulo ka mga sakay .
Giila ang biktima nga Grace Pat nga residente sa Purok Mauswagon, Malbang, Maasim sarangani province.
Maneho niini ang motor samtang sakay ang higala nga si Ronald Balat .
Nakabangga matud pa laing motor nga maneho ni Jessie Alinsugay 33 anyos nga taga KPS, Labangal ning syudad samtang sakay niini ang backrider nga si Liza Segue nga naa karon sa usa ka tambalanan.
Dali matud pang gidala sa dr George Royeca si Pat apan gideklara kining dead on arrival gumikan sa samad sa iyang ulo.
Nag over take matud pa ang usa sa nahisgutang motor hinungdan nga nagkabangga. Nasuta nga pulos kustodiya sa Traffic Management unit ang duha ka Mio motorcycle.
