GENERAL SANTOS CITY – Nahimong generally peaceful ang pag obserba sa Semana Santa sa syudad kung asa walay natala nga mga dagkong panghitabo.
Kahinumdoman nga nakabantay ang pwersa sa mga kapulisan lakip ang mga force multipliers bisan sa hinapos nga mga aktibidad sa katawhan alayon sa semana santa.
Gani padayon nga makita ang mga pwersa sa kapulisan sa mga simbahan lakip ang mga naka destino sa mga assistance desk nga gipang butang sa mga nagkadaiyang barangay ug sa mga pinili nga dalan sa syudad.
Kini aron masuguro nga mamahimong luwas ang katawhan bisan sa mga nahibiling mga kalihukan sama sa pagpamauli sa pipila sa ilang mga nagkadaiyang trabaho nga mibisita lang sa dakbayan.
Sa bahin usab sa Bulaong Terminal, gisiguro sa mga opisyales nga kung unsa ang gipatuman nila nga pagbantay sa seguridad sa pagsugod sa semana santa mao usab ang ilang buhaton sa gilauman nga pagdagsa sa mga pasehero nga moagi sa terminal.
