GENERAL SANTOS CITY -Gibutyag sa boxing analyst nga si Arnel Antiporda nga mas maayo nga mahuman ang Pacquiao-Horn fight nga adunay knockdown aron wala nay istorya pagkahuman sa engkwentro.
Alang kay Antiporda, angayang mahuman ang away sa 6 o 7 rounds.
Alang sa mga nagbayad ug mahal para sa ticket, paigo na nga mulungtad og 5-6 rounds ang panagsangka nilang Horn og Pacquiao aron makabawi sa ilang gibayad.
Higayon usab kini aron makit-an sa tanan ilabina sa mga taga Australia og uban pa ang dinulaan ni Pacman pag-abot sa ring.
Samtang nagtuo si Antiporda nga walay hokus pokus o unsa mang pagpanikas nga mahitabo sa engkwentro luyo nga sa hometown ni Horn ang fight venue.
Kini tungod ang mudumala sa away dili taga Brisbane kon dili mao ang World Boxing Organization.
Usa ka dakong dungog sa taga Australia ang personal nga makit-an ang fighting senator nga makigsangka gumikan sa boxing rekord isip eight division world champion.
Samtang, gibutyag ni Antiporda nga angayang iampo og suportahan ang engkwentro sa kababayang si Pacman.
