GENERAL SANTOS CITY – Walay angayang kabalak-an ang mga fans ni Senador Manny Pacquiao kalabutan sa na-injured nga abaga niini.
Kini ang gisiguro ni Kagawad Bobby Pacquiao kon asa sumala sa nasampit, wala na nasinatian sa iyang magulang ang maong problema.
Kahibaluan nga sa engkwentro ni Manny kang Floyd Mayweather Jr nasinatian niini ang rotator cuff injury nga nakaapekto sa iyang training.
Ug gani, maoy gitan-aw nga hinungdan sa pipila ka boxing fans nga na kapapildi kay Senator Pacquiao.
Gibutyag ni Kagawad Bobby, grabe matud pa ang kusog ni Manny sa pagkakaron.
Dili niini masulti kon adunay matigayong knockout apan gipasalig nga himuon sa Team Pacquiao ang tanan aron magmalampuson si Pacman batok kay Jeff Horn.
Samtang gibutyag ni Kag Bobby nga wala nay mahitabo nga training sa Amerika hinungdan nga mudiretso si Manny sa Amerika gikan sa training camp sa Gensan duha ka semana una ang engkwentro.
Matud pa ni Kag. Bobby mibalik na ang kondisyon sa Pinoy ring icon kung asa makit-an sa lawas ni Manny nga halos andam na sa engkwentro og nagbalik na ang gipaspason og ang kakusog sa kinumo.
