Pacquiao adunay gusto pa nga pamatud-an hinungdan mibalik sa boxing

Gibalewala lamang ni Pinoy boxing icon Manny Pacquiao ang mga batikos nga wala na siyay ikabuga sa boxing.

Kini human sa subling pakigsangka niya karong Hulyo 19 kontra kang Mario Barrios para sa WBC welterweight belt sa Las Vegas.

Gibutyag ni Pacquiao nga pakuratan na lamang niya ang mga mibatikos kaniya pag-abot sa adlaw sa iyang away.

Kini ang unang professional fight niya sukad niadtong gipildi siya ni Yordenis Ugas sa Cuba kaniadtong 2021.

Gihingusgan pa sa 46-anyos nga si Pacquiao nga dili lang siya nakig-away para sa iyang kaugalingon, kondili para sa nasud.

Gusto niyang ipakita sa tibuok kalibutan nga ang mga Pilipino ang dili gayod musurender.